Thursday, 17 March 2011

အိုင်အိုဒင်းဆား နှင့် Japan Nuclear Accident

 

 

 

အိုင်အိုဒင်းဆား နှင့် Japan Nuclear Accident

မနေ့က သတင်းတွေ နားထောင်ရင်းနဲ့ လူတွေ.. panic ဖြစ်တာကို သွားတွေလိုက်တယ် ။ အင်း panic ဖြစ်တယ်ပြောရမလား၊ ဘယ်လိုပြောရမလဲတော့ မသိဘူး။ သတင်းမှာ ခု အမေရိကားမှာ iodine tablets တွေပြတ်လပ်ကုန် အောင်ရောင်းနေရတယ်ဆိုပဲ။ လူတွေလဲ အပြေးအလွှားဝယ်ကြတာ အင်တာနက် အွန်လိုင်းမှာ လေလံဝင်ပစ်ကြလို့ ဈေးတွေလဲတက်ကုန်တယ်တဲ့။ တစ်ထုပ်ကို ဒေါ်လာ ၅၀၀တောင်ဖြစ်သွားတယ်ဆိုပါ့လား။
ပုံမှန်ဈေးဘယ်လောက်လဲဆိုတာတော့ ပြောသွားတာမတွေ့လိုက်ရဘူး။

ဒါနဲ့ အိုင်အိုဒင်းဆားနဲ့ ညူကလီးယားဓါတ်ရောင်ခြည်သင့်တာ ဘယ်လိုပါတ်သက်လဲဆိုတာ လိုက်ဖတ်လိုက်တော့ ဒီလိုတွေ့ရတယ်။
ပထမဆုံးပို့စ် မှာပြောခဲ့သလိုပဲ ဓါတ်ပေါင်းဖိုကနေ ဒုတိယအမျိုးအစား ရေဒီယိုသတ္တိကြွ ပစည်း cesium and iodine isotops ဆိုတာ ထွက်တယ်လို့ပြောခဲ့တာ မှတ်မိဦးမယ်ထင်တယ်။ လူရဲ့ လည်ပင်းမှာရှိတဲ့ သိုင်းရွိုက် အကျိတ် (သို့) ဂလင်း ဟာ အိုင်အိုဒင်းကို စားသုံးတယ်၊ တနည်း အားဖြင့် သူ့အတွက် အိုင်အိုဒင်းလိုတယ်။ ဒါကြောင့်ဒီကောင်ဟာ အိုင်အိုဒင်းလိုတဲ့အချိန်မှာ ပါတ်ဝန်းကျင်မှာ ဘယ်က အိုင်အိုဒင်းရနိုင်လဲ လိုက်ရှာတယ် တွေရင် လှမ်းဖမ်းဆွဲထားပီးစားသုံးလိုက်တယ်။ တခါတလေ ကာယကံရှင်တောင်မသိလိုက်ဘူး၊ အဲ့လိုဝင်လာတာကို။ အဲ့ဒီတော့ ဘယ်အချိန်မှာ ပြသနာက တက်လာလဲဆိုရင် လူကိုယ်ထဲမှာ အိုင်အိုဒင်းနဲ နေတဲ့ အချိန်နဲ့ ပါတ်ဝန်းကျင်မှာ ရေဒီယိုသတ္တိကြွ idoine isotop တွေပျံ့လွင့်နေတဲ့ အချိန်တိုက် ဆိုင်သွားရင်၊ ကိုယ့်ဆီက သိုင်းရွိုက်က လှမ်းဆွဲပါလေရော။ အဲ့ဒီမှာ ရေဒီယိုသတ္တိကြွ ဓါတ်တွေ ကိုယ်ထဲဝင်လာပီး၊ နောက်ပိုင်း သိုင်းရွိုက် ကင်ဆာ ဖြစ်လာနိုင်တယ်ပေါ့။

အဲ့ဒီတော့ ခုဂျပန်မှာ ဖြစ်သလိုမျိုး ညူကလီးယားမတော်တဆမှု့တွေ ဖြစ်နေတယ်ဆိုရင်၊ ပါတ်ဝန်းကျင်မှာ ရေဒီယိုသတ္တိကြွ iodine isotop တွေကိုယ့်ပါတ်ဝန်းကျင် မှာပျံ့လာနိုင်တယ် ဆိုရင်၊ ကိုယ်က သူတို့မလာခင် ဆေးဆိုင်တွေမှာ ဝယ်လို့ရတဲ့ ရိုးရိုးအိုင်အိုဒင်းဆားကို ကြိုပီးဝယ်သောက်ထားလိုက်။ အဲ့လိုဆိုရင် ကိုယ်ထဲမှာ အိုင်အိုဒင်းဓါတ်တွေ..ပြည့်နေတဲ့အတွက် သိုင်းရွိုက်က လျှာရှည်ပီးတော့ ဟိုကောင်ရေဒီယိုသတ္တိကြွ အိုင်အိုဒင်း အိုက်ဆိုတုပ် ကို လှမ်းမဆွဲတော့ဘူး။ သူက အိုင်အိုဒင်းရှိနေရင်ပီးရော ရိုးရိုးလား၊ ရေဒီယိုသတ္တိကြွလား ခွဲသိတာမဟုတ်ဘူး။ ဆိုတော့ကာ..အန္တရာယ်မပေးနိုင်တဲ့ ရိုးရိုးအိုင်အိုဒင်းဆား ကို ကြို ပီး စားထား ဖို့က..ကိုယ့်တာဝန်ပေါ့ဗျာ။

ဘာပဲပြောပြော ရေဒီရေးရှင်းကြောင့်ဖြစ်နိုင်တဲ့ ကင်ဆာတွေထဲက..တခုကိုတော့ ကာကွယ်ထားနိုင်တာပေ့ါ။


အားလုံးအဆင်ပြေကျန်းမာပါစေ။
ကိုဆန်းမော် sannmaw.com

No comments:

Post a comment